ٹرمپ کا ایران کو انتباہ: حملہ کل بھی ہو سکتا ہے یا بڑا معاہدہ بھی ممکن ہے

امریکی صدر نے کہا ہے کہ ایران پر نیا حملہ کل بھی ہو سکتا ہے یا پھر دونوں ملکوں کے درمیان بڑا معاہدہ بھی طے پا سکتا ہے۔ ان کا کہنا تھا کہ اس بارے میں غور جاری ہے مگر انہوں نے کوئی حتمی فیصلہ ظاہر نہیں کیا۔

امریکی صدر کے مطابق معاہدے کی صورت میں ایران کو جوہری ہتھیار بنانے سے مستقل طور پر روکنا ہو گا۔ ان کا کہنا تھا کہ پہلے کی کارروائی اس مقصد کے لیے کافی نہیں تھی اور وہ اس معاملے کو مستقل بنیادوں پر حل کرنا چاہتے ہیں۔

فروری سے جاری تنازع کے بعد جنگ بندی کے باوجود امن معاہدہ حتمی نہیں ہو سکا ہے۔ دونوں جانب سے بیانات کے بعد خطے میں صورتحال پر دنیا کی نظریں جمی ہوئی ہیں کہ آئندہ قدم حملہ ہو گا یا مذاکرات۔