سعودی عرب کے دمّام ایئرپورٹ پر حملہ: ایک ہلاک، آٹھ زخمی؛ امریکا نے سفارتی عملہ واپس بلانے کا حکم دے دیا

س

عودی عرب کے مشرقی شہر دمّام میں واقع شاہ فہد بین الاقوامی ہوائی اڈے پر بدھ کی شام ایک حملے میں ایک شخص ہلاک اور آٹھ زخمی ہو گئے۔ سعودی سول ایوی ایشن اتھارٹی کے مطابق زخمیوں کو فوری طور پر اسپتال منتقل کر دیا گیا، اور ہوائی اڈے کے نقصان کا جائزہ لیا جا رہا ہے۔ فلائٹ ٹریکنگ سروس کے مطابق پروازوں کو متبادل ہوائی اڈوں کی طرف موڑ دیا گیا۔ اسی روز سعودی وزارت توانائی نے بتایا کہ ملک کے جنوب مشرق میں آرامکو کے شیبہ آئل فیلڈ کے قریب مار گرائے گئے ڈرون کے ملبے سے دو افراد ہلاک اور دو زخمی ہوئے۔ ہلاک ہونے والے نیپالی اور فلپائنی شہری تھے، جب کہ زخمیوں میں ایک پاکستانی اور ایک بھارتی شہری شامل ہے۔ ان حملوں کے بعد امریکا نے سعودی عرب میں اپنے سفارتخانے کے غیر ضروری عملے اور ان کے اہل خانہ کو ملک چھوڑنے کا حکم دے دیا۔ امریکی محکمہ خارجہ کے ترجمان کے مطابق حوثیوں نے مملکت کے خلاف کارروائیاں تیز کر دی ہیں اور شہری ہوائی اڈوں اور اہم تنصیبات کو نشانہ بنایا جا رہا ہے۔