عمان: اردن کے جنوبی علاقے کرک کے گاؤں حمود میں یونانی آرتھوڈوکس چرچ میں جنازے کے دوران تین مسلح افراد نے فائرنگ کر دی، جس کے نتیجے میں 7 افراد ہلاک اور 34 سے 40 زخمی ہو گئے۔ واقعے کے وقت چرچ میں ڈیڑھ سے دو سو سوگوار موجود تھے۔
حکام کے مطابق حملہ آور فائرنگ کے بعد فرار ہو گئے اور ان کی تلاش کے لیے بڑے پیمانے پر آپریشن جاری ہے۔ تاحال کسی گروہ نے حملے کی ذمہ داری قبول نہیں کی۔ 27 زخمی تاحال اسپتال میں زیر علاج ہیں، جن میں سے 2 کی حالت تشویشناک بتائی گئی ہے۔
اردن کے وزیر داخلہ نے اسے انتہا پسندوں کی 'بے مثال' دہشت گرد کارروائی قرار دیا ہے، جبکہ شاہ عبداللہ دوم نے ملوث افراد کو 'سخت ترین سزائیں' دینے کا عزم ظاہر کیا ہے۔ اقوام متحدہ کے سیکریٹری جنرل نے بھی حملے کی مذمت کی ہے۔
0 تبصرے