سیالکوٹ(ملک حسن رزاق سے ) ریسکیو 1122نے ڈسٹرکٹ ایمرجنسی آفیسر انجینئر نوید اقبال کی زیر نگرانی کسی بھی ہنگامی صورتحال جیسے آگ لگنے اور زلزلہ آنے جیسے خطرات سے بروقت نمبرد آزما ہونے کے لیے خواجہ محمد صفدر میڈیکل کالج میں فرضی مشق کا انعقاد کیا۔ مشق کا مقصد کالج میں پڑھنے والے طلباء ا ور اساتذہ و سٹاف کو تربیت دینا تھا تا کہ کسی بھی ہنگامی صورتحال میں سب اپنی جانوں کو بچا سکیں۔ فرضی مشق کے دوران آگ لگنے کی صورت میں بلڈنگ کے اندر پھنسے لوگوں کو بچانے کے علاوہ بلند عمارت میں پھنسے لوگوں کو نیچے اتارناا، آگ پر بروقت قابو پانے کا عملی نمونہ پیش کیا گیا۔ ریسکیو 1122نے ریسکیو، واٹر ریسکیو اور فائر کے آلات کے نہ صرف سٹال لگوئے بلکہ ان آلات کو ایمرجنسی میں چلانے کا عملی نمونہ بھی پیش کیا۔ ریسکیو فر ضی مشق کی ا وور آل کمانڈ ڈسٹرکٹ ایمرجنسی آفیسر انجینئر نوید اقبال نے کی جبکہ آپریشنل کمانڈ تحصیل انچارج سیالوکٹ محمد رضا، انسیڈنٹ کمانڈکنٹرول روم انچارج عمران سلیمی، فیلڈ ہسپتال محمد عمرانLFR اور فائر سیکٹر کی کمانڈندیم اختر LFRنے کی۔ ریسکیو محافظین نے بھی ڈسٹرکٹ وارڈن جمیل جنجوعہ کی قیادت میں حصہ لیا۔فرضی مشق کے انعقاد کے موقع پر سوشل ورکر روز ویلفئیر کے صدر اشفاق نظر، ڈاکٹر عثمان کوآرڈینیٹر فائر سیفٹی خواجہ محمد صفدر کالج اور فوکل پرسن سپریڈنٹنٹ ارسل بٹ بھی موجود تھے۔ اس موقع پر کالج کی پرنسپل پروفیسر ڈاکٹر ہما کیانی نے فرضی مشق کا جائزہ لیا اور ریسکیو کی اس کاوش کو سراہا اور کہا کہ اس طرح کی فرضی کا مشق کا مقصد یہ ہے کہ ہم آنے والے ایمرجنسی حالات کے لیے اپنے آپ کو تیار کریں اور ہمیں پتہ ہونا چاہیئے کہ ہنگامی صورتحال میں ہمارا اگلا قدم کیا ہونا چاہیے۔انہوں نے ریسکیو ٹیم کا کامیاب فرضی مشق کے انعقاد پر شکریہ ادا کیا۔ڈسٹرکٹ ایمرجنسی آفسیر نے کہا کہ ریسکیو 1122عوام الناس کی خدمت کے لیے ہمہ وقت تیار ہے سیکٹری ایمرجنسی سروسز ڈاکٹر رضوان نصیر کے ویژن کے تحت معاشرہ کو محفوظ اور صحت مند بنانے میں اپنا کردار ادا کر رہے ہیں اس سلسلے میں کمیونٹی ٹریننگ کا سلسلہ جاری ہے۔ ہم سب ملکر ہی اپنا معاشرہ محفوظ بنا سکتے ہیں۔
0 تبصرے